Bulaia.docx - Kalakaua Middle ELA Resources



One Hawaiian CinderellaOnce upon one time, dea lived one princess named Lina gurl. Lina gurl she stay beautiful, loyal, bold, smart, intelligent, funny, trusting, happy, kind, respectful, talented, unselfish, and loving. Even so, she still was very ghetto. She stay living with her Tutuman, Kupuna, sista, braddah, madda and fadda. Lina gurl is hated in da house. She get lickens everyday foa nottin. She always gotta do da chores around da hale. Even tho she get all dis problems, Lina gurl is still as bright as da sun. So, one day, her and her fadda went foa go fishing. Dey wen stay out foa one pretty long time, den all of one sudden, da faddas pole started foa bend. He wen get up and reel dat buggah in. BOOM!! BANG!!! Den da buggah wen stop fighting and da fadda was confused. He jus wen sit back down and wait foa one nadda bite. Lina gurl, on da odda hand, was scared cause she wasn’t used to da ocean. Da pole wen bend again. But only dis time, da pole wen snap in half. Da fadda was tryin foa look foa da ting dat wen snap da pole. He was looking down ova da boat wen one Mane wen jump out of da wata and grabb da fadda. Da Mane wen swim off wit da fadda. Lina gurl wen paddle her fastest to da shore. Wen she got do da shore she wen run home foa go tell her family. Wen lina gurl got home she wen immediately go tell her family. Wen she told dem, everyone was in shock and was crying, except foa her madda. Her madda was laughing bout wat wen happen; Lina gurl was confused. Da madda said “Well, das just too bad ah?” Lina gurl was lost and lonely without her fadda. Nobody wen care foa her in da house. She wanned foa run away. One day afta she came back in da hale from doing da chores she wen ova hea her madda dem talking bout Bulaia’s birtday party. Bulaia was da most charming and smart man in da whole village. Lina gurl was in love with him since she was one lil ‘gurl. She wanned foa go to da party so bad but she know dat she cannot go cause her madda wouldn’t let her go. Lina gurl wen take one chance and wen go ask her madda if she can go. Her madda wen say, “Nah, stay home!” Lina gurl was sad dat she couldn’t go to da party. She really wanned foa go but she couldn’t. Lina gurl wen foa go to her tree house foa go chill by herself. She was crying foa days. Den one Maina bird came and spoke to her and said “Eh! What stay wrong wit you?” Lina gurl wen say “Brah, i like go to da party foa Bulaia’s birtday party ah, but i no can like dat!!” Maina was as intelligent as a genius. Maina wen look at her and said “Brah stop crying!!! No worreh, you goin go k brah! Go put on one Lava Lava and one junky-kine shirt.” Lina gurl wen do what she was told. She got her stuff ready and wen down to Haleiwa. Wen Lina gurl got to da party, dea was da loads of people dea. Lina gurl taut to herself dat she wasn’t goin get caught cause had plenty people. So Lina gurl wen go foa use bathroom wen she wen notice one voice. It was her sistah. Lina gurl, like one dumb Hawaiian, wen try run out witout getting caught. Da sistah caught her. Da sistah wen say “Eh, das dakine ah?! I gotta go let madda know.” Da sistah wen go up to da madda and said “Eh madda! I wen see lina gurl ah, and she stay ova hea at da party!” Da madda was pissed cause she wen tell lina gurl dat she no can come but Lina neva wen listen. Meanwhile , Lina gurl caught Bulaia’s eye. Bula went up to Lina and wen say “Eh, howz it sistah? You stay looking good tonight brah!! CHEEEEEEHEEEEE!!!” Dey wen spend da whole night togetta. Bula told Lina dat she was as beautiful as one Hibiscus flowah. Lina gurl wen blush. lina gurl told Bula dat he was as handsome likeJhonny Depp. Bula was laughing. Dey wen look like one happy couple. As da night went on, da madda dem was getting jealous. Like a horrible madda would do, she wen plan on beating her up. So, wen it was time foa go, Lina gurl wen kiss Bula goodbye and she wen leave. It was one long walk home so Bula wen offer her one ride back on his horse. Lina gurl, she not dum, she wen accept um’. So, as dey stay riding back home, Lina gurl wen notice dat her madda dems car was next to dem. Busted! She was scared cause she knew she was goin get lickens. Wen Lina gurl got home, her madda dem was waiting by da door foa beat her up. She walked in. And then...... “BOOM” “SMACK”!!! Da madda wen give line gurl dirty lickens. Den, right afta dey wen lick her, dey wen go out foa go look foa Bulaia so dey can kill him. But, Bulaia wen notice somtin’ strange about his horse. He wen look back and saw da madda dem chasing afta him. Bulaia wen stopand and wen ask foa lina gurl. “Eh ! you know who Lina gurl ? “No! Why you askin foa?” Da madda wen ask Bula said “Brah, chill cuz! I jus askin.’”Bula wen remember where Lina wen live. He wen hurry up and go to the house fas kine. Wen he got dea, he saw Lina on da ground wit blood all ova. Bula was mad! He wen catch up wit da madda dem and kill um. Pau, dey was all make kine die. Den Bula and Lina wen live happily eva afta! SIIIIIIIIIIKKKEEEEE!!! Da story not pau yet, brah! Bula wanned foa see lina again so he wen go back to da hale and go pick her up. But, wat he wen see made him cringe and shutter, cause how can anybody do dis to his lina gurl!? Bula had one feeling dat it was da madda dem who wen beat her up. So, he wen go back to da party. He got dea fast and he saw da madda dem all having fun and stuff. He wanted foa rage! He wen go tell dem off and told dem foa dey no betta touch her again or else. Den he wen go report dem for child abuse. Bula wen go back to da hale foa go take lina to da docta. Da maddah and sistah was arrested and went OCCC. Lina was safe. After she wen heal, Bula wen treat her like how one real man should treat one lady. Dey wen leave Oahu and flew to da Big Island. After dat, dey was neva heard from again and dey wen live happyily foa eva!! Now da story stay pau!!K-DEN!! ................
................

In order to avoid copyright disputes, this page is only a partial summary.

Google Online Preview   Download